Ay Yola төркөмө музыканттарына юғары исем бирелде!

Башҡортостан Башлығы Ay Yola төркөмө музыканттарына исем биреү тураһында указға ҡул ҡуйҙы. Был хаҡта ул хөкүмәттең оператив кәңәшмәһендә иғлан итте.

"Республиканың мәҙәни тормошонда мөһим ваҡиға. Өфөнөң Ay Yola этно-төркөмө Homay хиты менән тиҙ арала бөтә донъяға танылыу алды. Был артистар күп йылдар республикабыҙ мәҙәниәте хаҡына эшләй. Был ҙур өлөш өсөн уларға рәхмәт белдерәм", – тине Радий Хәбиров.

Юғары ижади ҡаҙаныштары өсөн артистарға маҡтаулы исемдәр бирелде: Ринат Рамазановҡа — «Башҡортостан Республикаһының халыҡ артисы», Руслан Адель Шәйхетдиновтарға — «Башҡортостан Республикаһының атҡаҙанған артисы». Исемдәр артистарға тантаналы шарттарҙа тапшырыласаҡ.