Рөстәм Ғәлиуллин - Татарстан китап нәшриәтенең генераль директоры!

Журналыбыҙҙың шәп дуҫы Рөстәм Ғәлиуллин Татарстан китап нәшриәтенең генераль директоры итеп тәғәйенләнде. Рөстәм Ғосман улы бығаса "Ҡазан утлары" журналының баш мөхәррире вазифаһын башҡарҙы. Рөстәм Ғәлиуллин филология фәндәре кандидаты, Татарстан яҙыусылар союзы ағзаһы,Муса Йәлил исемендәге дәүләт премияһы лауреаты. Ул татар, башҡорт, рус һәм башҡа телдәрҙә нәшер ителгән бихисап китаптар авторы. Хеҙмәттәре шулай уҡ Рәсәйҙең бөгөнгө прозаһы антологияһына ингән. Рөстәм Ғосман улын яуаплы вазифаға тәғәйенләнеүе менән ихлас күңелдән ҡотлайбыҙ. Уға ныҡлы таҙалыҡ, ғаилә именлеге, артабан да ижади ҡомар теләйбеҙ. "Шоңҡар"ҙар.