Венер Исхаҡовҡа - Шукшин миҙалы!

"Шоңҡар" журналының яуаплы секретары,  сатира һәм юмор оҫтаһы,  хеҙмәттәшебеҙ Венер Исхаҡовҡа Василий Шукшин миҙалы тапшырылды. Рәсәй яҙыусылар союзының был наградаһы иң әһәмиәтлеләрҙең береһе.  Ул яҙыусыларға юғары шәхси ижади уңыштары  өсөн бирелә. Награданы Башҡортостандың яҙыусылар союзы рәйесе Айгиз Баймөхәмәтов Ғафури районында тыуып үҫкән яҙыусыларҙың ижадына арналған әҙәби кисәлә тапшырҙы. Венер Айҙар улын лайыҡлы наградаһы менән ҡотлайбыҙ һәм уға артабан да  ижади уңыштар теләйбеҙ.