Шишмә урамы яҡтырып киткәндәй булды

Башҡорт рәссамы Алмаз Заһретдинов «ФормАРТ» урам сәнғәте фестивалендә еңеүселәрҙең тәүге ун исемлегенә инде. Уның «Атлы башҡорт ҡыҙы» исемле эше тауыш биреү һөҙөмтәләре һәм жюри баһаһы буйынса туғыҙынсы урынға лайыҡ булды. Был сәнғәт әҫәрен Шишмә ҡасабаһындағы биш ҡатлы йорт фасадында күрергә мөмкин. Әйткәндәй, эше өсөн егеткә Шишмә халҡы рәхмәт әйтеп бөтә алмай. Шәүрә Мусина-Булатова: "Шул тиклем матур, Шишмә урамын биҙәп тора! Хатта ки урам яҡтырып киткәндәй, өй тураһында әйтеп тә тораһы юҡ, янынан үтке генә килеп тора! Ҡыҙыҡай сибәр, кейеме ҡупшы! Афарин художникҡа!" - тип хуплауын белдергән.

Алмаз - Белорет районы егете. Афарин, Алмаз! Артабан да уңыштар теләйбеҙ!