Уңғандарға – дәүләт ярҙамы

Әбйәлил районы эшҡыуары Ансар Өмөтҡужин тимер-бетон ҡулсалар етештерә.

Эшҡыуар проекты менән “Кесе һәм урта эшҡыуарлыҡ һәм эшҡыуарлыҡ башланғысына булышлыҡ” милли проектын тормошҡа ашырыу сиктәрендә үткәрелгән “Эшҡыуарлыҡ сәғәте”нә килде.  Уға мәғлүмәт-консультация ярҙамы күрһәтелде, тип хәбәр итә Әбйәлил районы хакимиәтенең мәғлүмәт-аналитика бүлеге.

Йүнселгә сығымының бер өлөшөн ҡаплау буйынса кесе һәм урта эшҡыуарлыҡ субъекттарына финанс ярҙамы күрһәтеү муниципаль программаһында ҡатнашырға тәҡдим ителә.

Бизнес-шериф эшҡыуар менән етештереү майҙанында осрашып, артабанғы ниәттәре, маҡсаттары тураһында һөйләшә.

#миллипроект #нацпроект #национальныепроектыБашкортостан 

Фото: Әбйәлил районы хакимиәтенең мәғлүмәт-аналитика бүлеге.

Сығанаҡ: Подслушано Аскарово и Абзелиловский район