Салауатта ҙур эштәр көтөлә

Салауатта «Мәктәп белем биреү системаларын модернизациялау» федераль программаһы сиктәрендә 2024 йылға беренсе гимназияны, икенсе кадет мәктәбен, шулай уҡ дүртенсе һәм етенсе мәктәпте капиталь ремонтлау планлаштырылған.

Финанслауҙың дөйөм күләме 483 миллион һумдан ашыу тәшкил итәсәк, уларҙың 406 миллионы федераль бюджеттан йәлеп ителгән.

Объекттарҙа эштәр 2025 йылға тамамланасаҡ.

Дауаханаға яңы ҡорамалдар, шул иҫәптән МРТ һәм УЗИ аппараттарына ихтыяж бар. Республиканың Һаулыҡ һаҡлау министрлығы менән берлектә ошо ҡорамалды милли проект сараларына һатып алырға планлаштырылды.