Өфөлә “Коминтерн” белорус предприятиеһының беренсе фирма магазины асылды

Өфөлә “Коминтерн” белорус предприятиеһының беренсе фирма магазины асылды. Компанияла ир-егеттәр өсөн классик костюмдар тегелә. “Бик яҡшы проект. Һеҙгә эшләү өсөн уңайлы шарттар булдырасаҡбыҙ. Әйберҙәрегеҙ уңышлы һатылһын”, - тине кибетте асыу тантанаһында республика етәксеһе Радий Хәбиров. “Был Рәсәйҙә асылған беренсе магазин. Һеҙгә оло рәхмәт белдерәм”, - тине Беларусь делегацияһы вәкиле Иван Крупко.

Бөгөн COMINTERN белорус бренды, Alena Akhmadullina, Айшат Кадырованың Firdaws чечен бренды, Өфө бренды - Chubа тәҡдим иткән модалы һәм эшлекле кейем өлгөләрен ҡарарға була. Сара Ағиҙел буйында үтә. Унда Рәсәйҙең һәм Белорусь Республикаһының билдәле дизайнерҙары тәүге тапҡыр үҙҙәренең яңы коллекцияларын күрһәтә.

Мода күрһәтеү сараһы киске сәғәт 9-ҙа башлана, инеү ирекле.

https://vk.com/bstnews