Силәбе оҫтабикәһе Румия

Силәбе оҫтабикәһе Румия Рыҫмөхәмәтова «Туристик сувенир» Бөтә Рәсәй конкурсының финалына сыҡҡан. Румия был бәйгелә үҙе эшләгән башҡорт матрешкалары менән ҡатнаша.

«Туристик сувенир» бәйгеһенең төбәк этабы Марий Эл республикаһының Йошкар-Ола ҡалаһында үткән, ә финалы 1-3 декабрҙә Тверь ҡалаһында буласаҡ. Ул 2015 йылдан алып Геннадий Шаталовтың инициативаһы менән ойошторола. Быйылғы конкурста Рәсәйҙең 75 төбәгенән оҫталар ҡатнаша.

Румия Рыҫмөхәмәтова Силәбелә башҡорт мәҙәниәтен үҫтереүсе әүҙем ҡатын-ҡыҙҙарҙың береһе. Әлеге ваҡытта ул шулай уҡ «Инәй-милләт алтыны» тип аталған башҡорт мәҙәниәте конкурсында ла көсөн һынай. Әүҙем милләттәшебеҙгә уңыштар теләйбеҙ!

Ҡоролтай/Курултай