Йәш ғалимдар, һеҙҙең өсөн шәп яңылыҡ бар!

Башҡортостанда киләһе йылдан «Йылдың йәш ғалимы» исеме булдырыла. Исемгә лайыҡ 7 белгескә150-шәр мең һумлыҡ премия биреләсәк. Был турала республика Башлығы Радий Хәбиров бөгөн Башҡортостандың Дәүләт Йыйылышы – Ҡоролтайға Мөрәжәғәтнамәһендә иғлан итте.

– Был йәш белгестәрҙең республика фәненә индергән өлөшө өсөн баһа буласаҡ, – тип белдерҙе Радий Хәбиров. – Мин беҙҙең уңыштар тураһында әйтеп үтергә теләйем. Уҙған йыл аҙағында йәш ғалимдарға булдырылған ярҙам саралары буйынса ил рейтингында иң яҡшыһы булдыҡ. Фәнгә ярҙам итеү буйынса бөтә саралар ҙа ғәмәлдә ҡала.