Батыр даны - мәңгелек

"Һин - Шайморатов ордены кавалеры!
Һин - Рәсәйҙең почетлы тимер юлсыһы!
Тик был дәрәжәләргә..."үлгәндән һуң" тигән һүҙҙәр ҡушылған. Үкенесле...
Хәрби билетыңдағы ҡанлы эҙҙәрҙе һыйпайым да, үлем менән осрашҡан секундтарҙа нимә уйланың икән тим... Бөгөн Ватанды һаҡлаусылар көнө - Һинең көнөң!" - ти үткән йылы ирен МХО-ла юғалтҡан билдәле яҙыусы Әлиә Саматова. 

Айтуған Өлфәт улы Саматов 2024 йылдың 8 июлендә контракт төҙөп МХО-ға юллана. 13 ноябрҙә һәләк була. Унан алда яраланып ҡайтҡан була. Батыр даны - мәңгелек. Яҡындарына сабырлыҡ теләйбеҙ. Үкенескә күрә, бөгөн күптәр ирен, улын, туғанын, атаһын, ағаһын байрам менән ҡотлай алмай.