Ҡотҡарығыҙ, йортто сысҡандар баҫты!

Өфөнөң Октябрь проспектындағы күп ҡатлы йортто сысҡандар баҫҡан. Мыжғып торған кимереүселәр хәҙер фатирҙарҙы яуларға маташа. Был хаҡта йорт хужалары республика Башлығы Радий Хәбировҡа ялыу менән мөрәжәғәт иткән. Кешеләр уларҙан яман ауырыу йоғор тип хафалана. Октябрь районы хакимиәте йорттоң подвалын эшкәртергә, халыҡты ҡоротҡостарҙан ҡотҡарырға вәғәҙәләгән. Вәғәҙә оҙаҡҡа һуҙылмаһа ярай ҙа.