Яҡташыбыҙ Абхазияла диңгеҙҙә батып үлгән

Абхазияның Гагра ҡалаһында Өфөнән 40 йәшлек турист  Максим Беркли һәләк булған. Ул ҡыҙҙы ҡотҡарырға тырышып, диңгеҙҙә батып үлгән, тип хәбәр итте Абхазия Ғәҙәттән тыш хәлдәр министрлығының матбуғат хеҙмәте.

Хәбәр мәғлүмәттәре буйынса, ир тәүгеләрҙән булып һыу аҫтына киткән ҡыҙҙы ҡотҡарырға ташланған. Ниндәйҙер мәлдә турист үҙе бата башлаған. Ярҙамға килгән шаһиттар ҡыҙҙы тере килеш һыуҙан тартып сығарған, ләкин Өфө егетен ҡотҡарып өлгөрмәгән.

Фото: https://loon.site/