Ике яҡташыбыҙға үлгәндән һуң Рәсәй геройы исеме бирелде

Владимир Путин указы менән Өфөнән Максим Серафимовтың һәм Әбйәлил районынан Тамерлан Илһамовтың ата-әсәһенә Рәсәй Геройы йондоҙо тапшырылды.

«Әле бик ауыр тантана булды. Беҙ ошо егеттәрҙең ата-әсәләренә Рәсәй Геройы йондоҙҙарын тапшырҙыҡ. Ата-әсәләре иҫән. Беҙ шундай егеттәрҙең булыуы менән ғорурланабыҙ», - тип белдерҙе Хәбиров.

Шулай уҡ тағы дүрт яҡташыбыҙ: Өфөнән Альберт Аллағолов, Вадим Кельдин, Сибайҙан Егор Ефимов, Ҡырмыҫҡалы районынан Марсель Ҡорманалин үлгәндән һуң Батырлыҡ ордены менән бүләкләнде.

«Йәш кенә егеттәр, - тине Радий Хәбиров. – Берәүһенең балаһы һәм йөклө ҡатыны ҡалды, икенсеһенең дә хәләл ефете бәпәй көтә».