Өфөлә ҡатын 16 йәшлек ҡыҙын үлтергән

Өфөлә хоҡуҡ һаҡлаусылар 16 йәшлек ҡыҙҙың үлемен тикшерә. Фараздар буйынса, әсәһе ҡыҙын сәнсеп үлтергәндән һуң үҙ-үҙенә ҡул һалған, тип хәбәр итә Башҡортостан Республикаһы Тәфтиш комитетының матбуғат хеҙмәте.

Бөгөн Октябрь районында ҡыҙыҡайҙың һәм уның әсәһенең кәүҙәләрен тапҡандар. Рәсәй Федерацияһы Енәйәт кодексының 105-се статьяһының 1-се өлөшө (үлтереү) буйынса енәйәт эше ҡуҙғатылған. Фажиғә сәбәптәре асыҡлана.

Фото: Рәсәйҙең Башҡортостан Республикаһы буйынса Тәфтиш комитеты