Башҡортостанда пенсионер ҡатынды талаған үҫмерҙәрҙе эҙләйҙәр

Белоретта полиция оло йәштәге ҡатынды талаған үҫмерҙәрҙе эҙләй. Был хаҡта республика буйынса Эске эштәр министрлығы хәбәр итә.

Белорет ҡалаһында йәшәгән 76 йәшлек ҡатын полиция бүлегенә мөрәжәғәт иткән. Ул хәбәр итеүенсә, 28 июлдә көндөҙ Киров урамында уға 12-14 йәшлек малай йүгереп килә һәм уның ҡулынан сумкаһын тартып ала. Унда 1,1 мең һумлыҡ аҡса менән паспорт, мәрәйҙәр, кеҫә телефоны һәм янсыҡ табылды. Ваҡиға урынына полиция хеҙмәткәрҙәре сыҡҡан. Зыян күреүсенең сумкаһын эт тапҡан. Унда, аҡсанан тыш, бөтә әйберҙәр ҡалған.

Хәбәр ителеүенсә, видеокүҙәтеү камералары ғәйепле енәйәтселәрҙе теркәгән. Яҙма кадрҙарында ике бәлиғ булмағандың йортто буйлап йөрөгәне күренә, һуңынан үҫмерҙәрҙең береһе пенсионерҙың артынан бара һәм унан сумкаһын тартып ала. Бер нисә секундтан малай кире йүгерә, ләкин камера объективына башҡа эләкмәй. Ғәйепләнеүселәрҙе асыҡлау буйынса оператив-эҙләү эштәре бер ниндәй ҙә һөҙөмтә бирмәгән.

Полиция ваҡиға шаһиттарын Точисский урамы, 6 адресы буйынса йәки 8-347-92-3-24-02, 3-33-02, 8-906-371-88-89, 8 (347) 279-39-02, 279-32-92 йәки 02 (кеҫә телефонынан 102) телефондары буйынса мөрәжәғәт итеүҙәрен һорай.

Фото: Башҡортостандың Эске эштәр министрлығы.