Туристар һәләк булған

Камчаткала Ключевская вулканына күтәрелгәндә биш турист һәләк булған, тағы ике кеше зыян күргән, тип хәбәр итә край хөкүмәтенең матбуғат хеҙмәте. Ваҡиға урынына ашығыс хеҙмәттәр вертолеты ебәрелгән.

Кешеләрҙең һәләк булыуы хаҡында 3 сентябрҙә туристар төркөмө гидтарының береһе ҡотҡарыусылар менән бәйләнешкә сыҡҡанда билдәле булды. Ул туристарҙың 4200 метр бейеклектә һәләк булыуы, төркөм составында гидтың аяғын һындырыуы хаҡында һөйләне.

 30 августа вулканға 12 кешенән торған төркөм сыға, улар араһында туристар һәм ике гид булған. Уларҙың күбеһе илдең башҡа төбәктәренән килгән.

«Яҡынса мәғлүмәт буйынса,  биш турист ҡолап төшкән һәм һәләк булған, зыян күреүселәр бар», - тиелә Камчатка крайы прокуратураһы белдереүендә. Сәйәхәтте  Новосибирскиҙың туристик компанияһы ойошторған.

Фото: Рәсәйҙең Камчатка крайы буйынса Ғәҙәттән тыш хәлдәр министрлығы.