Туғыҙ бала әсәһеҙ ҡалған

Бөгөн Салауат районында юл-транспорт фажиғәһе өс ҡатындың ғүмерен өҙгән. Гөлшат Вальшина, Зәлифә Нафиҡова һәм Юлиә Әминева һәләк булған.

Уларҙың барыһы ла Мәсетле ауылында йәшәгән. Авария төндә була. Ҡатын-ҡыҙҙар ултырған автомобиль юлдан төшөп, яҡтыртҡысҡа бәрелгән. Урында 35 йәшлек водитель дә һәләк булған.

Һәләк булғандарҙың туғандарының һәм яҡындарының ауыр ҡайғыһын уртаҡлашабыҙ.