Республикала ҡыҙ поезд аҫтына эләккән

Башҡортостанда 16 сентябрҙә ашығыс хеҙмәттәргә Дәүләкәндә 19 йәшлек ҡыҙ менән тимер юлда бәхетһеҙ осраҡ булғаны тураһында хәбәр килде. Был хаҡта 19 сентябрҙә ЦУР-ҙа оператив кәңәшмәлә Башҡортостан Республикаһының Ғәҙәттән тыш хәлдәр буйынса дәүләт комитеты рәйесе Фәрит Ғүмәров белдерҙе.

«Үтеп барған йөк поезы менән тәғәйенләнмәгән урындан тимер юл аша сығып барған ҡыҙ үлемесле йәрәхәтләнгән», - тип хәбәр итте ул.

Ваҡиға сәбәптәрен хоҡуҡ һаҡлау органдары хеҙмәткәрҙәре асыҡлай.

https://www.bashinform.ru/news/law/2022-09-19/v-bashkirii-zhenschina-ugodila-pod-gruzovoy-poezd-2955668