Ишембай районында үлемесле авария теркәлде

Авария Стәрлетамаҡ-Ишембай автомобиль юлының 1-се саҡрымында теркәлгән. Алынған мәғлүмәттәр буйынса, "Рено Логан" менән "Шевроле Авео" бәрелешкән. Авария һөҙөмтәһендә "Рено" водителе алған йәрәхәттәрҙән вафат булған.

"Шевроле" водителе һәм уның ике пассажирына, шул иҫәптән 12 йәшлек балаға медицина ярҙамы талап ителгән. Әле ваҡиға урынында ЮХХДИ хеҙмәткәрҙәре һәм башҡа хеҙмәттәр эшләй.