Ялған хәбәргә ышанмағыҙ!

Кисәнән бирле интернет селтәрҙәрендә махсус хәрби операцияға үҙ теләге менән киткән Башҡортостан Хөкүмәте Премьер-министрының беренсе урынбаҫары Азат Бадранов тураһында имеш-мимештәр йөрөй. Имеш, Азат Шамил улы операция барышында һәләк булған. Беҙгә билдәле булыуынса, Азат Шамил улы ғаиләһе менән кисә бәйләнешкә ингән, барыһы ла яҡшы булыуын, имен-аман хеҙмәт итеүен белдергән. Халыҡтың ялған хәбәр таратыусыларға ышанмауын һорайбыҙ. Аллаһы бойорһа, егеттәребеҙҙе имен-һау ҡаршы алырға яҙһын.