Башҡортостанда 22 бала ултырған автобус юл фажиғәһенә осраған

3 мартта Стәрлетамаҡ районында мәктәп автобусы ҡатнашлығында юл-транспорт ваҡиғаһы теркәлгән. Республика дәүләт автоинспекцияһының матбуғат хеҙмәте хәбәр итеүенсә, иртән Стәрлетамаҡ - Федоровка автомобиль юлының 15-се саҡрымында Peugeot Boxer автобусы рулендәге 54 йәшлек водитель төп юлға сыҡҡанда «ВАЗ-21099» менән бәрелешкән.

Юл-транспорт ваҡиғаһында бер кем дә йәрәхәтләнмәгән, транспорт механик зыян күргән.

Билдәле булыуынса, балалар Айгөл ауылы мәктәбенә уҡырға китеп барған. Уҡыусылар белем усағына йәйәү барып еткән. Юл-транспорт ваҡиғаһы буйынса тикшереү алып барыла.

https://www.bashinform.ru/news/law/2023-03-03/v-bashkirii-avtobus-s-22-detmi-v-salone-popal-v-dtp-3164605