Янғынды һүндерәм тип...

Дүртөйлө районында пенсионер урамдағы янғынды һүндерәм тип һәләк булған.

Ҡурҡыныс хәл Көшөл ауылында булған. 78 йәшлек пенсионерҙың баҡсаһы янында ҡоро үлән янып киткән. Ут тиҙ арала биләмә буйлап таралған. Инәй йүгереп сығып, ялҡын телдәрен «ауыҙлыҡларға» маташҡан. Һөҙөмтәлә үҙенең кейеме янып киткән.

Тәненең 85 проценты бешкән пенсионерҙы дауаханаға оҙатҡандар. Янғын һүндереүселәр килеп, 15 минут буйы янғынды һүндергән. Ҡыҙғаысҡа ҡаршы, зыян күреүсе бер нисә сәғәттән дауаханала вафат булған. Тәүтикшереүсе фажиғә сәбәптәрен асыҡлай.

https://vk.com/bstnews?w=wall-85076499_58267