Курьер байрамға ағыулы торт алып килә

Армавир осоу училищеһын тамамлауҙың 20 йыллығы хөрмәтенә байрам итеүгә билдәһеҙ курьер бер нисә йәшник виски һәм егерме килограммлыҡ торт алып килә. Пилоттар шешәләрҙе асып, тортто ҡырҡып өлгөрә, әммә офицерҙарҙың береһе көтөп торорға һәм шундай йомарт серле ебәреүсене асыҡларға тәҡдим итә. Һәм юҡҡа түгел — торт та, алкоголь дә ағыулы булып сыға. Видеокүҙәтеү камераларын яҙҙырыу ярҙамында курьерҙы табып, ҡулға алалар.

Fighterbomber хәбәр итеүенсә, Мелитополдә тыуған кеше курьер булып сыға. Ул самолетҡа «эвакуация» билетын һатып алып өлгөргән.  Readovka сығанаҡтары ла был мәғлүмәтте раҫлай. Армавирҙан кондитерҙар уға ағыулы торт әҙерләүҙә ярҙам итә. Бәхеткә күрә, тантананың 77 ҡунағы дошман разведкаһынан «ҡотлау» ағыуын тәмләп өлгөрмәй, ә курьерҙы полиция хеҙмәткәрҙәре ҡулға ала. Дошман яғына сыҡҡан кондитерҙарҙы полиция хеҙмәткәрҙәре эҙләй.