42 кеше һәләк булған

Ҡаҙағстандың Ҡарағанды өлкәһендәге шахтала авария һөҙөмтәһендә һәләк булғандар һаны 42-гә етте, 4 шахтерҙы эҙләү дауам итә, тип хәбәр итте республика ғәҙәттән тыш хәлдәр министрлығының матбуғат хеҙмәте.

"42 кешенең кәүҙәһе табылған, 4 шахтерҙы эҙләү дауам итә", - тиелә хәбәрҙә. Ведомство мәғлүмәттәре буйынса, эҙләү эштәрен алып барыу емерелгән шахта ҡорамалдары арҡаһында ҡыйынлаша.

Костенко исемендәге Ҡарағанды өлкәһендәге шахтала шәмбе көнө  авария була. Шәмбе Ҡаҙағстан президентының матбуғат хеҙмәте хәбәр итеүенсә, шахталағы фажиғә менән бәйле 29 октябрь дөйөм милли матәм көнө тип иғлан ителгән.

Туғандарының, яҡындарының ауыр ҡайғыһын уртаҡлашабыҙ.