Тауыҡ йомортҡаһы ҙурлығындағы боҙ яуған

Кисә кис республикала һауа торошо боҙолоп,  боҙ-борсаҡ яуа башланы. Башҡортостандың Балтас районында тауыҡ йомортҡаһы ҙурлығында боҙ-борсаҡ яуған. Социаль селтәрҙәге фотолар менән урындағы халыҡ уртаҡлашты. Борай, Дүртөйлө, Илеш, Мишкә, Ҡалтасы, Краснокама, Яңауыл райондарында 49 ауыл,ҡасабала электр менән тәьмин итеү өлөшләтә йәки тулыһынса зыян күргән. Бөгөн синоптиктар шулай уҡ йәшен һәм секундына 18 метр тиҙлектәге көслө ел вәғәҙәләй. Һаҡ булайыҡ. 

Фото: социаль селтәрҙәр

Ләйсән Закирова