Мобилизация иғлан ителәсәкме?

Курск өлкәһендә хәлдәр ҡатмарланыу сәбәпле, мобилизация иғлан ителәсәк тигән һүҙҙәр  йөрөй башланы. «Говорит Москва» радиостанцияһына биргән әңгәмәһендә  Дәүләт Думаһының Оборона буйынса комитеты ағзаһы Виктор Заварзин был һорауға асыҡлыҡ индергән. «Был һорау көн тәртибендә тормай, Рәсәйҙең  көсө бар», – тигән ул. Депутат әйтеүенсә, ҡораллы көстәрҙә 700 мең контрактник бар, шуға ла мобилизацияның кәрәге юҡ. «Тиҙҙән беҙ Генераль штаб начальнигы әйткән маҡсаттарға ирешәсәкбеҙ», – тигән Заварзин.