Тағы ла бер авария

Иглин районында өс йөк машинаһы бәрелешкән. Авария бөгөн иртәнге сәғәт һигеҙҙәр тирәһендә була. Силәбенән Өфө яғына килгән 41 йәшлек «Вольво» водителе ҡаршы һыҙатҡа сығып, «Мерседес» автовозына бәрелә. Шунан "Вольво" автомобиле "Скания"ға ҡағыла. 61 йәшлек «Мерседес» водителе дауаханаға оҙатылған. Автовоздың еңел автомобилдәренә механик зыян килә. Әле урында тикшереү үткәрелә, ваҡиға сәбәптәре асыҡлана.