Стипендия арта

Башҡортостанда дәүләт колледждарының һәләтле студенттарына булышлыҡ итеү өсөн республика Башлығы стипендияһы күләме 2300 һумдан 4900-гә тиклем арттырылды.

Был хаҡта ЦУР-ҙа хөкүмәттең оператив кәңәшмәһендә мәғариф һәм фән министры Айбулат Хажин белдерҙе.

Айбулат Хажин билдәләүенсә, стипендиялар һаны ла артҡан.  2021 йылда улар 107 булһа, 2022 йылда иһә 150.

«Улар 1 сентябрҙән түләнә башлай. Хәҙер 2022-2023 уҡыу йылында стипендияға дәғүә итеү асыҡ конкурс уҙғарыла», — тип өҫтәне министр.Был йүнәлештәге эштәр ил Президенты Владимир Путиндың май указдары тарафынан раҫланған “Мәғариф” милли проекты (национальный проект “Образование”) ҡуйған бурыстарҙы тормошҡа ашырыуға ла булышлыҡ итә.

#ВладимирПутин
#национальныепроекты#нацпроекты
#региональныепроекты#регпроекты#нацпроектыБашкортостан