Асҡарҙа "Ҡурай" паркы буласаҡ

Әбйәлил районы Асҡар ауылында «Ҡурай» мәҙәниәт һәм ял паркын төҙөкләндереү башланды. Ул «Торлаҡ һәм ҡала мөхите» милли проекты сиктәрендә ғәмәлгә ашырыла. Бөгөнгә төҙөкләндереүҙең беренсе этабы тамам. Элекке соҡор урынында хәҙер пляж һәм пикник зоналары урынлашҡан. Киләһе йылда «Ҡурай» мәҙәниәт һәм ял паркын төҙөкләндереүҙең икенсе этабы планлаштырыла: балалар өсөн майҙансыҡ һәм сәхнә төҙөү күҙаллана.