Башҡортостанда магистраль һыу үткәргесе ваҡытынан алда файҙаланыуға тапшырыла

Магистраль Иҫке Ҡайынлыҡ ауылын һәм Яңы Ҡайынлыҡ ауылының яңы йорттарын һыу менән тәьмин итеүгә булышлыҡ итәсәк. Төҙөлөш-монтажлау эштәре графиктан алда бара, объект ноябрҙә файҙаланыуға тапшырыла.

«Таҙа һыу» проектын ғәмәлгә ашырыу һөҙөмтәһендә республикала йәшәүселәрҙең күбеһе үҙәкләштерелгән һыу тәьминәте системаһынан сифатлы эсәр һыу алыу мөмкинлегенә эйә, - тип билдәләне Рәсәй Төҙөлөш министрлығының проект дирекцияһы етәксеһе Динә Сәфиуллина. - Бөгөнгө көнгә бындай кешеләрҙең проценты - 88,2%, ҡалаларҙа 96,3% күрһәткесенә етә. 2024 йылдың аҙағына был һандар 92,5 һәм 100 процентҡа тиклем арттырыла. Мөмкинлек булһын өсөн, программа сиктәрендә барлыҡ сараларға төбәктә федераль бюджеттан 4,2 миллиард һумдан ашыу финанслау ҡаралған».

Иҫке һәм Яңы Ҡайынлыҡ ауылдарында үткәргес торба һалыу, һыу үлсәү узелын әҙерләү, 30 кубометрлыҡ 14 янғын резервуарын урынлаштырыу, 33 ҡоҙоҡ һәм 3 йыйылма ҡоҙоҡ ҡуйыу, 20 янғын гидранты ҡуйыу буйынса эштәр тамамланған да инде. 50 кубометрлыҡ 4 һыу баҫымы башняһы урынлаштырыу эштәрен башҡарыу бурысы тора.ъ

«Магистраль һыу үткәргесен төҙөү Иҫке ҡайынлыҡ ауылында йәшәүсе 128 кешене һәм Яңы ҡайынлыҡ ауылында йәшәүсе 496 кешене сифатлы эсәр һыу менән тәьмин итергә мөмкинлек бирәсәк. Эштәрҙе башҡарыуға федераль ҡаҙнанан 50 миллион һум самаһы бүленде», - тип билдәләне Рәсәй Төҙөлөш министрлығының «Таҙа һыу» йүнәлеше буйынса проект дирекцияһы етәксеһе урынбаҫары Татьяна Волкова.

«Таҙа һыу» федераль проекты «Торлаҡ һәм ҡала мөхите» милли проекты сиктәрендә тормошҡа ашырыла. Ул Рәсәй граждандарын сифатлы эсәр һыу менән тәьмин итеүгә йүнәлтелгән. Проекттың маҡсаты - 2024 йылға илдең үҙәкләштерелгән һыу менән тәьмин итеү системаһынан сифатлы эсәр һыу менән тәьмин ителгән халҡы өлөшөн 88,8% тиклем арттырыу. Әлбиттә, ҡалаларҙа был күрһәткес 97,2 процент билдәһенә етергә тейеш.

ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан