Быға тиклем буш ятҡан урын хәҙер танырлыҡ түгел

“Торлаҡ һәм ҡала мөхите” милли проектының «Уңайлы ҡала мөхите» федераль программаһы сиктәрендә Баймаҡ ҡалаһының 3-сө мәктәп эргәһендә ял урыны булдырыла. Үҙәктә урынлашҡан белем усағы янындағы биләмәлә ремонт эштәре апрель айында башлана. Быға тиклем буш ятҡан урын хәҙер танырлыҡ түгел. Физик күнекмәләр өсөн тренажер ҡоролмалары ҡуйылған, спорт уйындары өсөн майҙансыҡ әҙерләнә. Сентябрь аҙаҡтарында уның файҙаланыуға тапшырылыуы күҙаллана. Майҙансыҡ балаларға уйнарға, халыҡҡа ял итергә, спорт менән шөғөлләнергә яңы мөмкинлектәр асасаҡ.