Әбйәлилдәр ағас ултыртты

"Урманды һаҡлайыҡ" Бөтә Рәсәй акцияһына ярашлы  ағас ултыртыу өмәһе  Әбйәлилдә ағас ултыртыу өмәһе  дәррәү барҙы. Урмансылар, мәктәп урмансылығы ағзалары  бөтәһе 4000-дән ашыу ылыҫлы ағас үҫентеләре ултыртты.

Тәүҙә оҫталар ентекле инструктаж үткәрҙе һәм Колесов ҡылысы менән нисек эшләргә икәнен күрһәттеләр.

- Орлоҡтоң  тамыры ныҡлы ултыртылыуын һәм һауа ҡыуышлыҡтары ҡалмауын күҙәтеп тороғоҙ. Уны ерҙән еңел генә тартып алыу ҙа ағастың насар ултыртылыуы билдәһе булып тора, - тип аңлатты урман хужалығы директоры Зариф Абдуллин.

Эштән һуң балаларҙы тәмле бутҡа һәм ҡайнар сәй менән һыйланылар.

#ВладимирПутин #национальныепроекты#нацпроекты
#региональныепроекты#регпроекты#нацпроектыБашкортостан