"Яңы цех асыу теләге бар"

Әбйәлил районы хакимиәтендә “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү” милли проекты буйынса сираттағы “Эшҡыуарлыҡ сәғәте” ултырышын үтте. Унда эшҡыуар Лена Зарипова үҙенең бизнес-проекты менән таныштырҙы.

“Күп йылдар ярымфабрикаттар һәм икмәк-ҡалас ризыҡтары етештерәм. Әле ошо йүнәлештәге цех уңышлы эшләй. Продукцияны Әбйәлилдән тыш, күрше райондарға ла һатабыҙ. Заказ күп, шуға күрә яңы цех асыу теләге бар", - тине эшҡыуар. 

Хакимиәт башлығы белгестәргә уны тормошҡа ашырыу өсөн мәғлүмәт-консультация йәһәтенән ярҙам күрһәтергә ҡушты.

#нацпроекты #регпроекты #региональныепроекты #национальныепроекты #нацпроектыБашкортостана