Алыш-бирешһеҙ йәшәп булмай

Ырымбурҙа Рәсәй  менән  Ҡаҙағстан  араһында "халыҡ-ара сауҙаның инфраструктур сикләүҙәрен бөтөрөү" тип аталған форум үтте. Унда республика Башлығы Радий Хәбиров та ҡатнашты.

Радий Хәбиров белдереүенсә, Ҡаҙағстан – Бойондороҡһоҙ Дәүләттәр Берҙәмлегендә  Башҡортостандың төп партнеры. Үткән йылда төбәктәр араһындағы тауар  әйләнеше 1,5 тапҡырға тиерлек артҡан һәм 421 миллион доллар тәшкил иткән.

- Беҙ Ҡаҙағстанға  химия сәнәғәте продукцияһы, ағас материалдарын һәм целлюлоза-ҡағыҙ, ауыл хужалығы сеймалы, машина төҙөлөшө һәм быяла сәнәғәте продукцияһын экспортлайбыҙ. Ә импорт өлөшөндә яғыулыҡ-энергетика тауарҙары, аҙыҡ-түлек, металлургия һәм машина төҙөлөшө продукцияһы, химик тауарҙар, текстиль өҫтөнлөк итә. Ҡаҙағстан  төбәктәре менән беҙ сәнәғәт, ауыл хужалығында уртаҡ проекттарҙы ғәмәлгә ашырабыҙ, технологик кооперацияны тәрәнәйтербеҙ", – тип яҙҙы Радий Хәбиров.

Был саралар Рәсәй Президенты Владимир Путиндың май указдарына ярашлы ҡабул ителгән "Халыҡ-ара кооперация һәм экспорт" милли проекты (национальный проект "Международная кооперация и экспорт") сиктәрендә ғәмәлгә ашырыла.

#нацпроекты #национальныепроекты #регпроекты #региональныепроекты #нацпроектыБашкортостана