Хәйбулла һәм Мәләүез райондарында яңы ГТО майҙансыҡтарын төҙөй башланылар

Башҡортостандың Хәйбулла һәм Мәләүез райондарында яңы ГТО майҙансыҡтарын төҙөй башланылар. Улар, башҡалар кеүек үк, «Демография» милли проектының «Спорт - йәшәү нормаһы» федераль проекты сиктәрендә ҡуйыла, тип һөйләне республиканың спорт министры Руслан Хәбибов.

«Спорт - йәшәү нормаһы» проекты республикала 2019 йылдың 8 февраленән тормошҡа ашырыла, тип иҫкә төшөрҙө ул. Тап шул саҡта спорт-технология ҡорамалдарын алыуға 2019-2023 йылдарға федераль бюджеттан субсидия бүлеү тураһында килешеү төҙөлдө.

"Быйыл ГТО-ның бәләкәй спорт майҙансыҡтарын төҙөүгә 22,9 миллион һум ҡаралған, шуның 22,5 миллион һумы - федераль аҡса. Республиканың муниципаль райондарында ГТО комплексының 7 майҙансығын урынлаштырасаҡбыҙ. Спорт менән һәр кем шөғөлләнә алһын өсөн барыһын да эшләйбеҙ. Беҙ физик культура һәм спорт менән даими шөғөлләнеүселәрҙе арттырыуға дөрөҫ юлда тип иҫәпләйем. Тормошобоҙҙа спорт күберәк булһын», - тип яҙҙы Руслан Хәбибов үҙенең телеграмма-каналында.

Фото: Руслан Хәбибовтың социаль селтәрҙәре.

#национальныепроекты#нацпроекты
#региональныепроекты#регпроекты#нацпроектыБашкортостан