Башҡорт дәүләт аграр университеты студенттары волейбол буйынса Бөтә Рәсәй ярыштарында плей-офҡа сыҡты

Башҡорт дәүләт аграр университеты студенттары Орелда волейбол буйынса бөтә Рәсәй ярыштарының плей-офына сыҡты.

Студенттар араһында волейбол буйынса Бөтә Рәсәй ярыштары финалын бөтә Рәсәйҙән 24 иң көслө ир-егеттәр һәм ҡатын-ҡыҙҙар командалары ҡабул итте. Тәүге тапҡыр унда Донецк идара итеү һәм дәүләт хеҙмәте академияһы студенттары ҡатнаша.

Һайлап алыу этаптары аша студенттар волейболы элитаһына Санкт-Петербург, Череповец, Бүрәт, Донецк, Силәбе, Мәскәү, Сорғот, Ленинград өлкәһе, Пермь, Махачкала, Грозный, Кострома, Барнаул, Хабаровск, Екатеринбург, Петрозаводск, Өфө, Воронеж һәм Тамбовтан командалар үтте.

Башҡорт дәүләт аграр университеты студенттары Петрозаводск, Воронеж һәм Екатеринбург студенттарын еңеп, еңелеүһеҙ төркөм этабын үтте. Иртәгә улар сирек финалда уйнай. Былтырғы Рәсәй универсиадаһында аграр университетының волейбол йыйылмаһы илдең иң яҡшы биш студенттар волейбол командаһы исемлегенә инде. Һуңғы тиҫтә йылда өс тапҡыр студенттарҙың волейбол пьедесталына күтәрелде.

Студенттар араһында волейбол буйынса Бөтә Рәсәй ярыштары «Демография» милли проектының бер өлөшө булған «Спорт - йәшәү нормаһы» федераль проекты сиктәрендә үткәрелә.

Фото: Орел өлкәһенең физкультура һәм спорт департаменты сәхифәһенән.

#нацпроекты #национальныепроекты #регпроекты #региональныепроекты #нацпроектыБашкортостана