Башҡортостандың Урман хужалығы министрлығынан хәбәр итеүҙәренсә, “Утты туҡтат!” янғынға ҡаршы федераль мәғлүмәт кампанияһы нигеҙендә Урман хужалығы, Мәғариф һәм фән министрлыҡтары, Республика балалар экология-биология үҙәге “Туҡта урман янғыны!” агитбригадалар конкурсын үткәрҙе. Ул 24 марттан 19 майға тиклем дауам итте.
Конкурста республиканың 22 районынан һәм 5 ҡалаһынан 121 агитбригада ҡатнашты. Конкурс йомғаҡтары буйынса Дүртөйлө ҡалаһының 5-се мәктәбе, Илеш районы Үрге Йәркәй ауылының 4-се мәктәбе, Баҡалы районы Иҫке Ҡорос ауылындағы “Имәнкәй” мәктәп урмансылығы, Сибай ҡалаһының Балалар экология-биология үҙәге, Стәрлетамаҡтың 32-се балалар баҡсаһы. Бәләбәйҙең 36-сы “Ал сәскә” балалар баҡсаһы, Благовещен ҡалаһының 9-сы “Әтәскәй” балалар баҡсаһы, Өфө районының Дмитриевка ауылындағы “Березка” балалар баҡсаһы еңеүсе тип танылды.
Фото: contenta.info
#ВладимирПутин #национальныепроекты#нацпроекты
#региональныепроекты#регпроекты#нацпроектыБашкортостан