Шоңҡар
+29 °С
Болотло
Бөтә яңылыҡтар
Милли проекттар
19 Июль 2023, 09:26

Халыҡҡа ҙур ҡыуаныс

Ишембай районы Ҡыяуыҡ ауылында  фельдшер-акушерлыҡ пункты асылды.

Халыҡҡа ҙур ҡыуаныс
Халыҡҡа ҙур ҡыуаныс

 Ишембай районы Ҡыяуыҡ ауылында ремонттан һуң фельдшер-акушерлыҡ пункты асылды. Ул өс тораҡ пунктты – Ҡыяуыҡ, Михайловка һәм Екатериновка ауылдарын хеҙмәтләндерә.

Тантаналы сарала ауыл халҡы, муниципаль район хакимиәте һәм үҙәк район дауаханаһы вәкилдәре ҡатнашты.

- ФАП-тың хеҙмәтләндереү радиусы – бер километр. Петровск ауылы амбулаторияһынан 11 километр алыҫлыҡта урынлашҡан, - тип уртаҡлашы үҙәк район дауаханаһы баш табибы вазифаһын ваҡытлыса башҡарыусы Ринат Ғәйнетдинов. – Бында халыҡты хеҙмәтләндереү өсөн бар уңайлыҡтар ҙа бар: һыу, газ селтәрҙәре үткән, канализация эшләнгән. Халыҡты диспансеризация үтергә саҡырып ҡалабыҙ. 

Ҡыяуыҡ ауылы фельдшер-акушерлыҡ пунктында тәжрибәле фельдшер Рәхилә Бикташева эшләй, уның хеҙмәт стажы – 38 йыл.

- Был ауыл өсөн бик ҡыуаныслы ваҡиға. Ауылда ФАП-тың булыуы социаль әһәмиәткә эйә, сөнки ололар ҙа, балалар ҙа бар. Ул заманса йыһазландырылған, медицина кабинеты, ҡарау, процедура бүлмәләре иркен һәм яҡты, - ти шатланып Рәхилә Әхтәм ҡыҙы.

Ауыл халҡы ла, медицина хеҙмәткәрҙәре лә яңы биналағы уңайлыҡтарҙы юғары баһаланы. Объекттың асылыуы барыһы өсөн дә ысын байрамға әүерелде.


Автор фотолары.

 

Автор:Айһылыу Вахитова

 

#ВладимирПутин #национальныепроекты#нацпроекты
#региональныепроекты#регпроекты#нацпроектыБашкортостан

 

Сығанаҡ: https://gazeta-toratau.ru/

Автор:
Читайте нас: