Биш йөҙгә яҡын кеше ҡатнашҡан

8 - 11 апрель Башҡортостан Республикаһының Халыҡтар дуҫлығы йортоноң Ырымбур өлкәһендәге филиалы һәм был өлкәнең Башҡорт тарихи-мәҙәни үҙәге менән берлектә, Башҡортостан Республикаһының һәм Ырымбур өлкәһенең Мәҙәниәт министрлыҡтары ярҙамы менән, Башҡортостандан килгән төрлө һөнәр эйәләре урындағы халыҡҡа оҫталыҡ дәрестәре үткәрә. Төрлө йәштәге биш йөҙгә яҡын кеше ҡатнашҡан был сараларҙа республикабыҙҙан ситтә йәшәгән милләттәштәребеҙ стилләштерелгән милли түшелдеректәр эшләргә өйрәнә, уҡтан атырға өйрәнә, йыр һәм бейеү буйынса белемдәрен камиллаштыра.