Өфөлә юл аша сығыу урындарында балалар һыны ҡуйыла

Радий Хәбиров республикала юлда хәүефһеҙ йөрөү мәҙәниәтен арттырыуға йүнәлтелгән программа булдырырға ҡушты. Башҡортостан Финанс министрлығы уның өсөн 10 миллион һум самаһы аҡса бүлә. Был сығымдар видеояҙмалар төшөрөү, балалар баҡсаһы һәм мәктәптәрҙә яҡтылыҡты сағылдырған беләҙектәр таратыу өсөн ҡулланыла. Шулай уҡ балаларҙың имгәнеү осраҡтарын киҫәтеүгә йүнәлтелгән мобиль тренажер алына.