+31 °С
Облачно
Новости
30 Июля 2019, 11:20
Өфө янында Алтын Урҙа дәүерендәге ҡомартҡылар табылған
Өфө янында Алтын Урҙа дәүерендәге ҡомартҡылар табылған
Өфө эргәһендә алып барылған ҡаҙыныу эштәре барышында боронғо керамика өлгөләре табылды.
Ғалимдар әйберҙәрҙең йәшен яҡынса XIV быуат урталарына тура килеүен билдәләй. Һауыт-һаба ярсыҡтары, хайуан һөйәктәре, көл һәм күмер ҡалдыҡтары бер соҡорҙа табылған.
Археологик ҡаҙыныу эштәренең һуңғы биш көнөндә генә 180-дән ашыу тарихи әйбер табыла. Яҡынса мәғлүмәттәр буйынса уларға 700 йыл . Был ҡомартҡылар Өфө аша сауҙа юлының үтеүен тағы бер ҡат иҫбатлай.
Быға тиклем ӨФӨ-II ҡаласағында табылған тарихи артефакттар карауан юлын раҫлағайны. Ғалимдар Ҡармасан һәм Сәрмәсән йылғалары араһындағы биләмә лә археологик тикшеренеүҙәр өсөн әһәмиәтле булыуын билдәләй. Шуға ла был майҙанда эштәр әле дауам итәсәк.
