+19 °С
Ясно
Новости
31 Июля 2019, 07:30
Башҡортостан һалдаты Свердловск өлкәһендә токтан һуғылып үлгән
Башҡортостан һалдаты Свердловск өлкәһендә токтан һуғылып үлгән
Үҙәк хәрби округының Екатеринбург гарнизоны частарының береһендә Башҡортостан хәрбиҙәре менән бәхетһеҙ осраҡ булған, тип хәбәр итә РИА-Новости. Өфө районынан хеҙмәткә саҡырылған 20 йәшлек һалдат Илдар Сиразев полигонда планға ярашлы күнекмәләр ваҡытында электр тогынан һуғылып һәләк булған.
«Яҡынса мәғлүмәттәр буйынса, водитель-электрик полигонда планға ярашлы күнекмәләр барышында махсус хәрби техниканы файҙаланғанда хәүефһеҙлек талаптарын боҙоу һөҙөмтәһендә электр тогынан һуғылған», — тиелә гарнизон командованиеһының рәсми белдереүендә.
Әле һалдаттың үлем осрағы буйынса тикшереү бара.
Ошо көндәрҙә Bash.News егетте тыуған яғында – Өфө районында ерләүҙәре тураһында хәбәр итте. Кәүҙәһен офицерҙар алып ҡайтҡан.
