+16 °С
Ясно
Новости
8 Августа 2019, 08:33
Башҡортостан спортсылары грэпплинг буйынса Рәсәй беренселегендә 18 миҙал яуланы
Башҡортостан спортсылары Орёл ҡалаһында уҙған грэпплинг һәм грэплинг ги буйынса Рәсәй беренселегенән 18 миҙал менән ҡайтты.
Орёл ҡалаһында уҙған грэпплинг һәм грэплинг ги буйынса Рәсәй беренселегенән Башҡортостан спортсылары 18 миҙал менән ҡайтты. Республика йыйылмаһының 32 ҡатнашыусыһы илдең 47 төбәгенән килгән 1050 атлет менән бергә наградалар өсөн көс һынашты.
Беренсе-икенсе урынды алғандар 2019 йылдың 8-9 ноябрендә Баҡы ҡалаһында донъя беренселегендә ҡатнашыу өсөн Рәсәй йыйылмаһына эләкте, тип хәбәр иттеләр Йәштәр сәйәсәте һәм спорт министрлығынан.
Башҡортостан спортсылары Вадим Савельев һәм Эмиль Исманғолов — алтын, Регина Розовая — ике көмөш, Карина Мырҙабаева — алтын һәм көмөш, Әмирхан Гуданатов — бронза, Екатерина Растегаева, Валерия Давыдова һәм Петр Васильев — икешәр бронза, Давид Балаян, Низам Иҙрисов, Эмин Агаев һәм Руслан Исламов бронза миҙалдар алды.
