Республикала алдағы ял көндәрендә һауа температураһы 31 градусҡаса күтәрелә

Шәмбе, 10 августа, бер аҙ ҡыҫҡа ваҡытлы ямғыр яуыуы, йәшен көтөлә. Һауа температураһы төндә +11,+16, көндөҙ +21,+26 градус була. Көньяҡта һауа +31 градусҡаса йылына.

Йәкшәмбе, 11 августа, ҡыҫҡа ваҡытлы ямғыр яуыуы, йәшен йәшнәүе ихтимал. Көндөҙгө сәғәттәрҙә термометр бағанаһы +25,+30 градусҡа тиклем күтәрелә.

Синоптиктар мәғлүмәтенә ярашлы, күптән көтөлгән йылы ҡыҫҡа ваҡытлы була. Дүшәмбе, 12 августа, һауа температураһы көндөҙ — 19, төндә 11 градусҡа тиклем түбәнәйә. Ошо һәм артабанғы көндәрҙә ямғыр яуа.