Ауыл медпункттары мәсьәләләре ҡараласаҡ

Бөгөн, 2 октябрҙә Рәсәй президенты Владимир Путин һаулыҡ һаҡлау өлкәһенең беренсел звеноһында эшләүселәрҙең хеҙмәт шарттарын яҡшыртыуға бәйле кәңәшмә үткәрә. Унда медицина хеҙмәткәрҙәренең эш хаҡын яҡшыртыу, бәләкәй ауылдарҙы фельдшер пункттары менән тәьмин итеү кеүек көнүҙәк һорауҙар ҡуйыласаҡ. Бынан алдағы ошо темаға уҙғарылған кәңәшмәлә ил президенты: “Һаулыҡ һаҡлау өлкәһенең беренсел звеноһының проблемаларын хәл итмәйенсә инфаркт һәм инсульт кисереүселәр кәмемәйәсәк”, – тип белдергән ине.

#ВладимирПутин