Илдар "Голос" шоу-проектын гөж килтерҙе

Кисә "Голос" шоу-проектында барыһының һушын алған Илдар Абдуллин исемле егет Ырымбур өлкәһе Гай ҡалаһынан. Үҙенсәлекле тауышле йырсы инглиз телендә композиция башҡара башлап та өлгөрмәне, Сергей Шнуров уға йөҙө менән әйләнде, үҙенә саҡырған өс оҫта араһынан Илдар тап уның командаһын һайланы. Бәйгесе шәп йырсы ғына түгел, үткер ҡәләмле, хисле ижадсы ла. "Бәйләнештә" селтәрендәге сәхифәһендә (https://vk.com/ildarabdullin) уның Нәбирә өләсәһенең ҡатмарлы яҙмышы хаҡындағы яҙмаһы бигерәк тә ихлас, йылы яҙылыуы менән иғтибарҙы йәлеп итә.