Тәбиғәтебеҙ һағында: Өфөлә "Фантастик пластик" күргәҙмәһе асылды

Тәбиғәтебеҙ һағында: Өфөлә "Фантастик пластик" күргәҙмәһе асылды. #нацпроекты

Күптән түгел Өфөнөң "Рәсәй – минең тарихым" тарихи паркында СИБУР ойошмаһы һәм Башҡортостандың экология министрлығы ярҙамында "Фантастик пластик" тигән үҙенсәлекле күргәҙмә асылды. Ул 1 декабргә тиклем дауам итәсәк, инеү бушлай.

"Фантастик пластик" күргәҙмәһе "Экология" милли проекты нигеҙендә асылған. Унда Рәсәйҙең һәм сит илдең ҡырҡлаған дизайнеры ҡатнаша. Улар пластик ҡалдығынан ғәжәп матур экпозиция булдырған. Барып күрергә кәрәк, күҙҙең яуын алырлыҡ, ти. Ябай пластиктан шундайын да ижад өлгөһө яһап булыр икән?

Өфөлөләр өсөн бындай матурлыҡты тыуҙырыу буйынса илебеҙҙең танылған дизайнерҙары тарафынан оҫталыҡ дәрестәре лә ойошторолмаҡсы.