Өфө һылыуҡайы Эльмира Шәйехова «Волга буйы ынйыһы» матурлыҡ конкурсында еңеү яуланы!

Өфө һылыуҡайы Эльмира Шәйехова «Волга буйы ынйыһы-2019» матурлыҡ конкурсында еңде.

Эльмира Шәйехова Дүртөйлөлә тыуған. Уға 20 йәш. Конкурста оҙон сәсле һылыуҡай Өфө исеменән сығыш яһаны. Ҡыҙ «Мисс Башкортостан — 2018», «Краса Уфы — 2017» исемдәренә, «Мисс Туризм России — 2019» Бөтә Рәсәй конкурсының «Иң яҡшы милли кейем» Гран-прийына эйә, Ҡытайҙа «Мисс Туризм Планеты — 2018» халыҡ-ара конкурсы призеры.

Эльмираға бик күп ҡиммәтле бүләктәр тапшырылды, шуларҙың иң мөһиме — 300 мең һумлыҡ сертификат һәм гәүһәрле алтын биҙәүес, тип хәбәр итте модель агентлығы етәксеһе Луиза Закирйәнова.