Асҡындың бөйөк рәссамына – 80 йәш

Ғүмер буйы башҡорт мәҙәниәтен данлаған БАССР-ҙың халыҡ, РСФСР-ҙың атҡаҙанған рәссамы, Ғ. Сәләм исемендәге премия лауреаты Федор Кащеевҡа 80 йәш тулды.

Халыҡсан ижады менән билдәлелек яулаған Асҡын улы Федор Александровичтың башҡорт этникаһын һүрәтләгән картиналары тағы бер атаҡлы ҡылҡәләм эйәһе Әхмәт Лотфуллиндың ижады менән үтә лә ауаздаш. Федор Кащеевтың ҡулынан тамған йәнле туҡымалар донъяһы – ҡабатланмаҫ мөғжизә ул. Бөйөк замандашыбыҙға ныҡлы һаулыҡ, оҙон ғүмер теләп ҡалабыҙ!

Гөлнара ХӘЛФЕТДИНОВА.