"Һаулыҡ һаҡлау" милли проекты: Алға ҙур бурыстар ҡуйылған

"Һаулыҡ һаҡлау" милли проекты: Алға ҙур бурыстар ҡуйылған. #нацпроекты

Кисә Башҡортостан Башлығы Радий Хәбиров Калининград өлкәһендә Дәүләт советының киңәйтелгән президиум ултырышында ҡатнашты. Рәсәй Президенты Владимир Путин рәйеслегендә үтәсәк кәңәшмәлә һаулыҡ һаҡлау мәсьәләләре тикшерелде.

Владимир Путин Рәсәй хөкүмәтенә беренсел медицина звеноһын камиллаштырыу өсөн төбәктәргә ярҙам итергә ҡушты. Һаулыҡ һаҡлау системаһын юғары кимәлгә сығарыу өсөн власть органдарының һөҙөмтәле эш итеүе мөһим. Рәсәйҙә күрһәтелгән медицина ярҙамын бер кем дә маҡтай алмай. Был йәһәттән "Һаулыҡ һаҡлау" милли проекты сиктәрендә республика Башлығы Радий Хәбиров тарафынан ярайһы уҡ ҙур бурыстар ҡуйылған. Атап әйткәндә, Республика кардиология үҙәгенең яңы корпусы, балалар онкологияһы һәм гематологияһы үҙәге, Затон биҫтәһендә күп функциялы дауахана комплексы, ике бала табыу йорто, 12 поликлиника, өс ауыл амбулаторияһы, 167 фельдшер-акушерлыҡ пунктары һәм башҡа объекттар төҙөү күҙаллана.